Apora Logo

ئێران دانبە کوژرانی دوو بەرپرسی باڵای دیکەدا دەنێت

ئێران دانبە کوژرانی دوو بەرپرسی باڵای دیکەدا دەنێت

تاران دان بە کوژرانی دوو فەرماندەی باڵای ووڵاتەكەی دەنێت لە ئەنجامی هێرشەکانی ئیسرائیل کە شوێنە هەستیارەکان، بەرپرسانی سەربازی و شارەزایانی بەرنامەی ئەتۆمی ئێرانیان کردە ئامانج.

14/6/2025


ئەرکانی گشتیی هێزە چەکدارەکانی ئێران رایگەیاند، عەمید غوڵام رەزا محرابی، جێگری سەرۆکی دەستەی ئەرکان و عەمید مەهدی رەبانی، بەرپرسی ئۆپراسیۆنەکانی دەستەكە كوژران


هێرشی ئیسرائیل بۆ سەر ئێران کە لە بەرەبەیانی ڕۆژی هەینی دەستیپێکرد، لە ئەنجامدا ژمارەیەک سەرکردەی سوپای ئێران و سپای پاسداران کوژران و دیارترینیان:



•            فەرماندەی سوپای پاسدارانی ئێران، مەیجر جەنەراڵ حوسێن سەلامی .

•            مەیجر جەنەراڵ محەمەد باغری، سەرۆکی ئەرکانی هێزە چەکدارەکانی ئێران.

•            فەرماندەی مەڵبەندی سەربازی خاتەم ئەلئەنبیە جەنەڕاڵ غولام عەلی ڕەشید.

•            فەرماندەی هێزی ئاسمانی سوپای پاسداران، ئەمیر عەلی حاجی زادە.

•            فەرماندەی هێزی فڕۆکەی بێفڕۆکەوانی هێزی ئاسمانی سوپای پاسداران، تاهر پور.

•            فەرماندەی هێزی ئاسمانی سوپای پاسداران، داود شێخیان.

•            جێگری سەرۆکی ئەرکانی ئۆپەراسیۆنەکانی سوپای ئێران، مەیجر جەنەراڵ مێهدی ڕەبانی (لەگەڵ هاوسەر و منداڵەکانی)

               


دیارترین زانای مردووی ئەتۆمی:-


•             پرۆفیسۆری ئەندازیاری ئەتۆمی ئەحمەد ڕەزا زۆڵفەغەری .

•            مێهدی تارانچی زانای بواری ناڤۆکی.

•            فێرێدون عەباسی زانای بواری ئەتۆمی.

•            عەبدولحەمید مینۆچێهر زانای بواری ئەتۆمی.

•            ئەمیر حسێن فەغیحی زانای بواری ئەتۆمی

•            مۆتەلیبیزادە زانای ئەتۆمی


لە کاتێکدا سەرچاوەکان باس لە برینداربوونی عەلی شەمخانی ڕاوێژکاری ڕێبەری مەزنی ئێران و سەرپەرشتیاری دانوستانە ئەتۆمییەکان دەکەن، ڕۆژنامەی "نیویۆرک تایمز"ی ئەمریکی لە زاری بەرپرسانی ئەمنیەوە ڕایگەیاندووە کە عەلی شەمخانی کوژراوە .



;