بەگوێرەی زانیاریەکانی پەیامنێری ئاپۆڕانیوز، شەوی رابردوو لە قەزای بەردەڕەش لەسەر کێشەیەکی کۆمەڵایەتی شەڕە تەقە روویداوە.
بەهۆی ئەو شەڕەوە دوو خوشک کوژران کە لەگەڵ باوکیاندا بە ئۆتۆمبێل بەو جێگەیەدا کە شەڕەکە تیایدا روویداوە تێپەڕیوون، باوکیشیان بریندارە کە هیچ پەیوەندییەکیان بە شەڕەکەوە نییە و بەهەڵە پێکراون.
دیاکۆ حسێن باسی لەوەشکرد، شەوی ڕابردو کاتژمێر دووی شەو دوای توێکاری بۆیان، تەرمی دوو خوشکەکە رادەستی کەسوکاریان کراوەتەوە و باوکیشیان لەئێستادا لە نەخۆشخانە چارەسەر وەردەگرێت.