بەرەبەیانی ئەمڕۆ چوارشەممە 11ی حوزەیرانی 2025، لە شارۆچکەی قوشتەپە تەقە لە هاووڵاتییەک کرا و دەستبەجێ گیانی لەدەستدا.
پەیامنێری “ئاپۆڕا نیوز” ڕایگەیاند، کوژراوەکە لە ناو ئۆتۆمبێلەکەیدا بووە کاتێک شەش گوللەی لێدراوە و دوای گیانلەدەستدانیشی تەرمەکەی گواستراوەتەوە بۆ پزیشکی دادی.
ئەوەشی خستەڕوو کە کوژراوەکە مامۆستای ئایینیە و تەمەنی 33 ساڵە و دانیشتووی کامپی کاوەیە، بکوژەکەش خەڵکی ڕۆژهەڵاتی کوردستانە.
بە پێی زانیارییە سەرەتاییەکان، کوژراوەکە چەند ساڵێک لەمەوبەر بە ئۆتۆمبێلەکەی لە منداڵێکی داوە و گیانی لەدەستداوە، ئەگەرچی ساڵێک و شەش مانگ زیندانی کراوە و لە لایەنی کۆمەڵایەتیشەوە خێزانەکە کۆتاییان بە کێشەکە هێناوە، بەڵام ئەمڕۆ باوکی کوژراوەکەوە بە شەش گوللـە ئاوارەی کوشتووە.