پرۆسەی گەڕانەوەی ئاوارەکانی سوریا بۆ وڵاتەکەیان بەردەوامە، بە وتەی بەرپرسانی سوریا لەدوای روخانی رژێمی ئەسەد، سەدان هەزار ئاوارە گەڕاونەتەوە بۆ وڵاتەکەیان.
مازن عەلوش بەڕێوەبەری پەیوەندییە گشتییەکانی دەستەی دامەزراوە وشکانی و دەریاییەکانی سوریا رایگەیاند، لەیەکەم هەفتەی ئەم مانگەدا 25 هەزار ئاوارەی سوری گەڕاونەتەوە بۆ وڵاتەکەیان، ئاماژەی بەوەشکرد مانگی رابردو 90 هەزار ئاوارە لەرێگەی دەروازە سنورییەکانەوە گەڕاونەتەوە سوریا.
وتیشی: كۆی ئەو ئاوارانەی سوریا كە لەدەروازە سنورییەكانەوە گەڕاونەتەوە لەدوای ڕوخانی ڕژێمەكەی بەشار ئەسەد 400 هەزار كەسی تێپەڕاندوە و زۆرینەی ئەو ئاوارانەی گەڕاونەتەوە، لەوڵاتانی توركیا و لوبنان و عێراق و ئوردن بون.
باسی لەوەشكرد، رێکخستنەوەی دەروازە وشكانی و دەریاییەكانی سوریا لەدوای ڕوخانی ڕژێمەكەی بەشار ئەسەد دەستیپێكردوە بەئامانجی زامنكردنی گەڕانەوەی پارێزراو و ڕێكخراویی ئاوارەكان