کۆمیسیۆنی باڵای هەڵبژاردنەکان، ڕۆژی پێنجشەممە، میکانیزم و مەرجەکانی هەڵبژاردنی کارمەندانی سەر سندوق بۆ هەڵبژاردنی ئەنجوومەنی نوێنەرانی ٢٠٢٥ی ڕاگەیاند.
جومانە ئەلغەلای، وتەبێژی کۆمسیۆن لە بەیاننامەیەکدا ڕایگەیاندووە، "پرۆسەی هەڵبژاردن سەرجەم فەرمانبەرانی حکومەت دەگرێتەوە، جگە لەوانەی لە هێزە ئەمنی و سەربازییەکاندان، بەمەرجێک کە کەمترین بڕوانامە کە داواکار دەبێت بڕوانامەی خوێندنی ناوەندی بێت. پرۆسەی هەڵبژاردنیش خوێندکارانی زانکۆ و پەیمانگاش لە هەموو ئاستەکان دەگرێتەوە، بەمەرجێک تەمەنی داواکار تەمەنی لە ١٩ ساڵ کەمتر نەبێت
ناوبراو لە درێژەی قسەکانیدا، "داواکارییەکە دەرچووان دەگرێتەوە، بەمەرجێک کەمترین بڕوانامە کە داواکار بەدەستی هێناوە بڕوانامەی دبلۆم بێت"، ئاماژەی بەوەشکردووە "مەرجەکانی پێویست بۆ پۆلەکانی داواکار ئەوەیە کە داواکار لەدایک بووی نێوان ساڵانی ١٩٧٠ بۆ ٢٠٠٦
ئاماژەی بەوەشکردووە، "پێویستە داواکاران کارتی دەنگدەری درێژخایەنیان هەبێت و بە تایبەتی دانیشتووی پارێزگاکە بن و بەپێی ناوچەی جوگرافیای سەنتەری تۆمارکردن داواکاری پێشکەش بکەن".
ئەلغەلای لە میانی وتارەکەیدا ئاماژەی بەوەشکرد، "دەبێت داواکار بەڵێننامەیەکی نووسراو واژۆ بکات کە تێیدا ئاماژە بەوە دەکات کە ناچێتە ژێر ڕێکارەکانی لێپرسینەوە و دادپەروەرییەوە، کە بە تاوانێکی گەورە سزا نەدراوە، کە ئەندامی هێزە ئەمنی یان سەربازییەکان نییە، نوێنەری لایەنە سیاسییە ڕکابەرەکان نییە یان چاودێرێکی کۆمەڵگەی مەدەنی نییە لە ڕۆژی هەڵبژاردندا، هەروەها سەربەخۆیە و پابەندە بە ڕێساکانی ڕەفتاری". ئاماژەی بەوەشکردووە، "پرۆسەی داواکاری بۆ کارمەندانی هەڵبژاردن ئەلیکترۆنییە لەڕێگەی بەستەرێکەوە کە کۆمسیۆن بە مەبەستی تۆمارکردنی زانیارییەکانی کارمەندانی هەڵبژاردن بڵاویدەکاتەوە".
ئەو ڕوونیشیکردەوە، "بەشی فەرمانبەر دەبێت ناسنامەی بەش یان بەڵگەیەک پێشکەش بکات کە کارمەندن، جگە لە کارتی نیشتمانی یان ناسنامەی باری شارستانی، کارتی دەنگدەر، و کۆپییەکی ڕەنگاورەنگی بەڵگەنامەیەکی پەروەردەیی یان پشتگیری"، ئاماژەی بەوەشکرد کە "بۆ خوێندکاران و دەرچوان، ئەو بەڵگەنامانەی کە پێویستن بریتین لە ناسنامەی خوێندکار یان بەڵگەی ئەوەی کە خوێندکارن، کارتی نیشتمانی یان ناسنامەی باری شارستانی، کارتی دەنگدەر، و کۆپی ڕەنگی بەڵگەنامەیەکی پەروەردەیی کە پشتڕاستی دەکاتەوە بەدەستهێنان یان پشتگیریکردن”.