سێرگی لاڤرۆڤ، وەزیری دەرەوەی تورکیا، سوپاس و پێزانینی خۆی بۆ تورکیا دەربڕی کە ئاسانکاری بۆ دانوستانەکان کرد
بەگوێرەی ڕاپۆرتی هەواڵدەریی دەوڵەتی ڕووسیا، سێرگی لاڤرۆڤ، وەزیری دەرەوەی ڕووسیا ڕۆژی چوارشەممە ڕایگەیاند کە ڕووسیا پێشنیاری کردووە کە دووهەمین خولی دانوستانی ڕاستەوخۆ لەگەڵ ئۆکرانیا لە ٢ی حوزەیران لە ئەستەنبوڵ بەڕێوە بچێت.
لاڤرۆڤ لە بەیاننامەیەکی نووسراودا وتی: بە پاڵپشتی ئەمەریکا و سعوودیە و تورکیا، توانرا هەلومەرج بۆ دەستپێکردنەوەی دانوستانی ڕاستەوخۆی ڕووسیا و ئۆکرانیا دروست بکرێت.
ناوبراو وەبیری هێنایەوە کە خولی یەکەمی دانوستانەکان لە ١٦ی ئایار لە ئیستەنبوڵ بەڕێوەچوو و لە ئەنجامدا لە هەر لایەکەوە هەزار دیل ئاڵوگۆڕ کرا. هەروەها لایەنەکان ڕێککەوتن لەسەر ئامادەکردنی بەڵگەنامەی هەڵوێست بەرەو یەکلاییکردنەوەی بەردەوام.
وتی: لایەنی ڕووسی، وەک ڕێککەوتن، بەپەلە یاداشتێکی پەرەپێدا کە هەڵوێستی ئێمە لەسەر هەموو لایەنەکانی زاڵبوون بەسەر ڕەگ و ڕیشەی قەیرانەکەدا بە شێوەیەکی متمانەپێکراو دیاری دەکات.
“شاندەکەمان بە سەرۆکایەتی ڤلادیمێر مەدینسکی، ئامادەیە ئەم یاداشتە پێشکەش بە شاندی ئۆکرانیا بکات و لە میانی خولی دووەمی ئەستەنبوڵ ڕۆژی دووشەممەی داهاتوو ٢ی حوزەیران ڕوونکردنەوەی پێویست پێشکەش بکات”.
لاڤرۆڤ سوپاس و پێزانینی خۆی بۆ تورکیا دەربڕی بۆ ئاسانکاری بۆ گفتوگۆکان. وتیشی: “وەک هاکان فیدان وەزیری دەرەوەی تورکیا دوێنی لە سەردانەکەیدا بۆ مۆسکۆ پشتڕاستی کردەوە، جارێکی تر دەمەوێت سوپاسی هاوبەشە تورکەکانمان بکەم کە پلاتفۆرمێکی میوانداری تورکیایان بۆ دابین کردووە”.
داوای لە هەموو ئەو کەسانە کرد کە "بە دڵسۆزیەوە، و نەک تەنها بە قسە، ئارەزووی سەرکەوتنی پرۆسەی ئاشتییان هەیە" پشتگیری لە کۆبوونەوە پێشنیارکراوییەکەی ئەستەنبوڵ بکەن.
لایەنی ئۆکراینی تا ئێستا وەڵامی پێشنیاری ڕووسیای بۆ خولی داهاتووی دانوستانەکانی نەداوەتەوە