وەزارەتی پەروەردەی هەرێمی کوردستان چەند بڕیارێکی بۆ تاقیکردنەوەی خوێندکارانی پۆلی 12ی ئامادەیی دەرکرد.
بەپێی نووسراوێکی وەزارەتی پەروەردەی حکومەتی هەرێمی کوردستان بێت کە د. ئالان حەمەسەعید، وەزیری پەروەردەی هەرێم واژۆی کردووە بۆ ئەمساڵی خوێندن بۆ تاقیکردنەوە گشتییەکانی پۆلی 12 چەند بڕیارێکی نوێ جێبەجێ دەکرێت.
بەپێی بڕیارەکە بێت، بۆ راگەیاندنی ئەنجامی تاقیکردنەوەکانی پۆلی 12ی ئامادەیی هیچ کۆنگرەیەک ئەنجام نادرێت خوێندکاران بەرێگەی دیجیتاڵی نمرەکانیان وەردەگرنەوە، هەروەها هیچ پلەبەندییەک بۆ ئاستی خوێندکاران راناگەیەندرێت.