ئەمڕۆ شەممە ٢٤ی ئایاری ٢٠٢٣، حەسەن نیعمە، بەڕێوەبەری پلان و بەدواداچوون لە وەزارەتی بازرگانی عێراق رایگەیاند، زیاتر لە ٢٣ ملیۆن و ٥٠٠ هەزار کەس لە سنوری ١٣ پارێزگای عێراق زانیارییەکانیان لە سیستمی ئەلیکترۆنی کۆبۆنی خۆراک نوێ کردووەتەوە و پرۆسەکەش بەردەوام دەبێت تا سەرجەم هاوڵاتیان بە ئەلیکترۆنی تۆمار دەکرێن.
وتیشی، هەفتەی رابردوو سیستمی ئەلیکترۆنی کۆبۆنی خۆراک لە پارێزگای هەڵەبجە کاراکرا، بڕیارە ئەم هەفتەیەش سیستمەکە لە پارێزگاکانی هەولێر، دهۆک و سلێمانی کارابکرێت.
دەشڵێت، بە بڕیاری وەزارەتی بازرگانیی عێراق، تا سەرەتای مانگی تەمموز سیستمەکە لە سەرتاسەری عێراق کارا دەبێت و پێویستە سەرجەم خێزانەکان لەو سیستمە زانیارییەکانیان نوێ بکەنەوە.
باس لەوەشکراوە، تا سەرەتای مانگی تەمموز پێویستە سەرجەم هاوڵاتیان زانیارییەکانیان.