بەمەبەستی دابینكردنی غازی پێویست بۆ وێستگەكانی بەرهەمهێنانی كارەبا لەبری غازی ئێرانی، پڕۆژە نەوتییەكانی بەسرە بۆری گواستنەوەی غازی ناوخۆ دەگەیەنێت بە وێستگەكانی كارەبا.
مونتەسر كازم، بەڕێوەبەری كاروباری پڕۆژە نەوتییەكانی بەسرە رایگەیاند: بەمەبەستی قەرەبوكردنەوەی كەمبونەوەی غازی ئێران بۆ وێستگەكانی بەرهەمهێنانی وزەی كارەبا، لەسێ رۆژی داهاتودا كارەكانی گەیاندنی بۆری لەبەندەری خوڕزوبەیرەوە بۆ وێستگەی بەسرە كۆتایی پێدێت و تاقیدەكرێتەوە.
وتیشی: بۆ كۆتایی هێنان بە پڕۆژەكە، بەڕێوەبەرایەتی كاروباری پڕۆژە نەوتییەكان پێوانەی نوێی تۆماركردوە كە ماوەی گرێبەستەكە (120) رۆژبوە، بەڵام توانیویانە لە (90) رۆژدا كۆتایی بەكارەكانیان بهێنن و بگەن بە قۆناغی تاقیكردوەنەوەی بۆریەكان.
لای خۆشیەوە عەلی شەداد، وتەبێژی لیژنەی نەوت و گاز لە پەرلەمانی عێراق وتویەتی: پرۆژەكە توانتی هەیە كە بڕی (500 بۆ 800) مەتر سێجا غاز دابین بكات، كە ئەوەش خزمەتێكی گەروە بە كەرتی وەزە بەگشتی و بەرهەمهێنانی وزەی كارەبا بكات.
ئاماژەی بۆ ئەوەشكردوە، پڕۆژەكە بەدیلێكی سەركەوتوە بۆ قەرەبوكردنەوەی بڕی ئەو غازەی لە ئێرانەوە كەمدبێتەوە، بەتایبەتی لەگەڵ ئەوەی گەمارۆكانی ئەمەریكا لەسەر تاران توندتر دەبێتەوە و بەغدادیش ناچارە كە بڕی غازی هاوردەكراو كەم بكاتەوە، ئەوەش لە كاتێكدایە كە بەرەو هاوینێكی سوتێنەر دەڕۆین