بەمەبەستی جێبەجێکردنی تاقیکردنەوەی نیشتیمانی پۆلی 9ی بنەڕەتی ساڵی خوێندنی ٢٠٢٤ـ ٢٠٢٥ خولی یەکەم و دووەم، وەزارەتی پەروەردەی هەرێم چەند ڕێکارێکی بڵاوکردەوە.
بەڕێوەبەرایەتی گشتی ئەزموونەکانی وەزارەتی پەروەردەی هەرێم چەند رێکارێکی بڵاوکردەوە، سەبارەت بە تاقیکردنەوەی نیشتیمانی پۆلی 9ی بنەڕەتی و ئاماژەی بەوەکردووە، یاریدەدەری خوێندنگەكان ئاڵوگۆڕیان پێدەکرێت بەپێی دووری و نزیکی خوێندنگەكانیان لە یەکتر و نابێت بەڕێوەبەری هیچ خوێندنگایەك بەڕێوەبەری هۆڵی تاقیكردنەوەی نیشتمانی بێت، بۆیە دەبێت هۆڵی تاقیكردنەوەی نیشتمانی جیابكرێتەوە.
جەختیشی كردۆتەوە، سەرپەرشتیاری قوتابخانەکان تا کۆتایی تاقیکردنەوەکان ڕۆژانە سەرپەرشتی کەرتەکە دەکەن.
