لەیادی کیمیابارانکردنی هەڵەبجەدا داوادەکرێت وڵاتانی فرۆشیاری چەکی کیمیایی بەڕژێمی پێشو سەدام حسێن قەرەبوی هاوڵاتیانی هەڵەبجەی شەهید بکەنەووە
KONCICC ئەمڕۆ شەممە 15\3\2025 تۆڕی هاوپەیمانی ڕێکخراوە کوردستانییەکان لە پێناو دادگایی تاوانی نێودەوڵەتی
داوایان لە وڵاتی ئەڵمانیا و تەواوی کۆمپانیاکانی ئەوروپا و ئەمریکا و یابان و چەندین وڵاتی ترکرد کە بەشداربونە لە فرۆشتنی چەک و چەکی کیمیایی بە حکومەتی عێڕاق لەوکاتەدا و ڕژێمی سەددام حسێنیش ئەو چەکانەی لە قەڵاچۆکردنی هاوڵاتیانی هەرێمی کوردستان و لەناوبردنیاندا بەکارهێناوە.
ئەو ڕێکخراوانە لە کۆنگرەیەکی ڕۆژنامەوانیدا چەند داواکاریەکیان بۆ وڵاتی ئەڵمانیا خستە ڕو و تێیدا داوایانکرد کە؛ وڵاتی ئەڵمانیا بەفەرمی دان بە جینۆسایدی گەلی کورددابنێت و هاوکات بەشداربێت لە چارەسەرکردنی بەرکەوتوانی چەکی کیمیایی و ئەو بریندارانە لەوڵاتی ئەڵمانیا چارەسەروەربگرن، لەگەڵ ژمارەیەک لە داواکاری تر .