وەزارەتی كشتوكاڵ و سەرچاوەكانی ئاو رایگەیاند، بۆ پاراستنی سامانی ماسی لە هەرێمی کوردستان، وەرزی قەدەغەی راوكردنی ماسی لە هەرێمی كوردستان دەست پێدەکات.
بە گوێرەی راگەیەندراوەکەی وەزارەتی كشتوكاڵ و سەرچاوەكانی ئاو لە 10ی 3ی 2025 وە تا10ی 6ی 2025 لە تەواوی ناوچەکانی هەرێمی کوردستان، وەرزی قەدەغەی راوە ماسییە.
لەراگەیەندراوەكەشدا هاتووە، راوكردن بە (كارەبا، ماددە ژەهراوییەكان، ماددە تەقەمەنییەكان، تۆڕی كون ورد) كە ببێتە هۆی لەناوبردنی بەكۆمەڵی زیندەوەرەكانی ناوی لەهەموو كاتێك قەدەغەیە و رێگە پێنەدرا و دەبێت.
