لە خولی ئیسپانیا بەرشەلۆنە دوو خاڵی گرنگی لەدەستدا دوای یەکسانبوونی لەگەڵ خیتافی.
لە یارییەکانی هەفتەی 20ی خولی ئیسپانیا، یانەی بەرشەلۆنە لە دەرەوەی یاریگای خۆی رووبەڕووی یانەی خیتافی بووەوە.
لە تایمی یەکەمدا و لە خولەکی نۆ جۆلێس کۆندی گۆڵێکی بۆ بەرشەلۆنە تۆمارکرد و دواتر لە خولەکی 34 ماورۆ ئارامباری ئەنجامەکەی بۆ خیتافی یەکسانکردەوە.
لە تایمی دووەمدا، یاریزانانی بەرشەلۆنە هەوڵێکی زۆریاندا بۆ بەدەستهێنانی سێ خاڵی یاریەکە بەڵام سەرکەوتوو نەبوون و سەرەنجام بە یەکسانی و بە گۆڵێک بۆ هەردوو یانە کۆتاییهات.