ئەمشەو کاتژمێر 10:00 بەکاتی هەرێمی کوردستان، دوو زەبەلاحەکەی ئیسپانیا ریاڵ مەدرید و بەرشلۆنە لە یاریی کۆتایی جامی سوپەری ئیسپانیا رووبەڕوودەبنەوە.
مەدرید و بەرشلۆنە بە باشترین ئاستی خۆیان گوزەردەکەن، بەڵام یانە کەتەلۆنییەکە تینووی ناسناوەکانە چونکە ساڵ و نیوێکی تەواوی بەبێ ناسناو بەڕێکردووە، بەپێچەوانەوە ریاڵ مەدریدی رکابەریی تەنیا لە 2024 پێنج ناسناوی بردووەتەوە.
کارلۆ ئەنچیلۆتی راهێنەری یانەی شاهانە رایگەیاند جگە لە میلیتاو و کارڤاخال، تەواوی ئەستێرەکانی دیکەی ئامادەیە و لە بەرامبەردا بەرشلۆنەش دانی ئۆڵمۆ و پاو ڤیکتۆری لەبەردەستە و هانسی فلیکی راهێنەر چەند گۆڕانکارییەکیشی ئەنجامداوە.