لێژنەی ڕکابەرییەکانی فیدراسیۆنی تۆپی پێی ئیسپانیا سزاکانی بەسەر ڤینیسیۆس جونیۆری بەڕازیلی ڕاگەیاند، ئەمەش دوای دەرکردنی لە یارییەکەی هەینی ڕابردوو بەرامبەر ڤالێنسیا لە لالیگا .لە یارییەکەدا ڤینیسیۆس بە کارتی سووری ڕاستەوخۆ دەرکرا.
لیژنەکە بڕیاریدا ڤینیسیۆس بۆ دوو یاری لالیگا ڕابگرێت، ئەویش بەرامبەر لاس پاڵماس و ڕیال ڤەلەدوەلید.
ئەستێرە بەڕازیلییەکە لەم هەفتەیەدا دەتوانێت بەشداری جامی سوپەری ئیسپانیا بکات، چونکە پاڵەوانێتییەکە جیاوازە لە لالیگا.
شاندی ریال مەدرید دوێنێ بەئامادەبوونی ڤینیسیۆس جۆنیۆر، گەیشتە سعودیە و سبەی پێنجشەممە، بەرامبەر یانەی ریال مایۆرکا یارییدەکات، ئەگەر ئەو یارییە بباتەوە، بۆ یاریی کۆتایی جامەکە سەردەکەوێت.
لە یارییەکەی ڤالێنسیادا، ستۆل دیمیتریڤسکی، گۆڵپارێزی ڤالێنسیا، گێچەڵی بە ڤینیسیۆس کرد، پاشئەوەی درێسەکەی ئەوی راکێشا، ڤینی دواتر لە روخساری گۆڵپارێزەکەی ڤالێنسیای دا و ناوبژیوان پاش گەڕانەوە بۆ ڤار، بەکارتی سوور ئەو یاریزانەی دەرکرد.