ئیسرائیل دەستی بەسەر ناوچەی ئارام له سنووری سوریا گرت

ڕاوێژکاری نەتانیاهۆ : ئیسرائیل ناوچەیەکی ئەمنی زیاتر لە نزیک چیای حەرمۆن لە سوریا دادەمەزرێنێت

وەزیری بەرگری ئیسرائیل، ئیسرائیل کاتز ڕۆژی دووشەممە ڕایگەیاند کە هێزە چەکدارەکان شەوی ڕابردوو دەستیان بەسەر ناوچە ئارامەکانی سەر سنووری سوریادا گرتووە.

کاتز گوتی "شەوی رابردوو، سوپای ئیسرائیل خاڵی زیاتری لە ناوچەی ئارام لەگەڵ سوریادا گرت.

کاتز گوتی فەرمانی بە سوپای ئیسرائیل کردووە دەستبەجێ لە سوریا کار بکەن، بە ئامانجی دامەزراندنی ناوچەیەکی ئەمنی دوور لە چەکی ستراتیژی قورس و ژێرخانی ئابووری کە هەڕەشە لە ئیسرائیل بکات

ئەمە لەکاتێکدایە کە ڕاوێژکاری نووسینگەی سەرۆک وەزیرانی ئیسرائیل دمیتری گێندلمان ڕایگەیاند کە سوپای ئیسرائیل ناوچەیەکی ئەمنی زیاتر لە دەرەوەی سنووری سنوور لە لای سوریای زنجیرە چیای شێخ لە بەرزاییەکانی جۆلان دادەمەزرێنێت.

گێندلمان لە کەناڵی تەلەگرامی خۆی نووسیویەتی "ئیسرائیل بەردەوامە لە فراوانکردنی کۆنترۆڵی بەسەر ناوچە سنووردارەکان و خاڵە ستراتیژییەکانی تری چیای حەرمۆن و ناوچەکانی دەوروبەری، بۆ پوچەڵکردنەوەی هەڕەشەکان و دروستکردنی پەیوەندی لەگەڵ دروز و کۆمەڵگەکانی تر، ئیسرائیل ناوچەیەکی ئەمنی زیاتر لە دەرەوەی سنوورەکە دادەمەزرێنێت