ئەمریکا لیستی رەشی خۆی بۆ هاوردەکردنی بەرهەمە چینییەکان فراوانترکرد و بەرهەمی نزیکەی 30 کۆمپانیای وڵاتەکە وەرناگرێت کە لە هەرێمی شینجیانگی چین کارگەیان هەیە و کەلوپەل دروستدەکەن.
ئەمریکا نزیکەی سی کۆمپانیای نوێی چینی تۆمەتبار دەکات بە بەکارهێنانی کەرەستەی خاو یان ئەو پارچە دروستکراوانەی لەلایەن نەتەوەی ئویغورەوە دروستکراون یان کۆکراونەتەوە، کە بە زۆرەملێ کاریان پێدەکرێت.
کاترین تای، نوێنەری بازرگانی ئەمریکا رایگەیاند، بە زیادکردنی ئەم قەوارانە، ئیدارەی ئەمریکا بەردەوامە لە نیشاندانی پابەندبوونی خۆی بۆ دڵنیابوون لەوەی ئەو بەرهەمانەی کە بە کاری زۆرەملێی ئویغورەکان یان کەمایەتییە نەتەوەیی یان ئایینییەکانی تر لە شینجیانگ دروستکراون، نەچنە ناو ئەمریکاوە.
بە گوێرەی ئامارەکان، بەم زیادکردنە ژمارەی ئەو کۆمپانیا چینیانەی کە هەناردە کردنی کەل و پەلیان بۆ ناو ئەمریکا قەدەغەکراوە گەیشتووەتە 107 کۆمپانیا.