قائیمقامی چەمچەماڵ دەڵێت: "بە تەمەنترین هاوڵاتیی عێراق لە چەمچەماڵە و تەمەنی 124 ساڵە".
رەمەک رەمەزان، قائیمقامی چەمچەماڵ ئەم وێنەیەی بڵاوکردووەتەوە و دەڵێت: "ئێوارەی دوێنێ پێنجشەمە سەردانی ماڵی (مەنیجە حمە غریب حمەخان) مان کرد لەناحیەی شۆڕش".
باسی لەوەشکردووە: "بۆ بەسەرکردنەوە و هەواڵپرسینی پورە مەنیجە و خانەوادەکەی چووینە لایان و سەردانمان کرد".
مەنیجە خان، ژنێکی کوردە و بە گوێرەی کارتی نیشتیمانییەکەی، مێژووی لەدایکبوونی دەگەڕێتەوە بۆ ساڵی 1900، واتە تەمەنی 124 ساڵە و بەو پێیەش بێت، تەمەنی لە بەتەمەنترین کەسی جیهان گەورەترە کە لە ژیاندایە و تەمەنی 117 ساڵە.