سەرچاوەیەك لە وەزارەتی دارایی عێراق رایدەگەیەنێت، تائێستا هیچ بڕیارێک بۆ ناردنی پارەی مووچەی مانگی 10ی فەرمانبەرانی هەرێم نەدراوە.
ئەمڕۆ دووشەممە 18ی تشرینی دووەمی 2024، سەرچاوەیەك لە وەزارەتی دارایی عێراق بە میدیای یەکێتی راگەیاندووە، "تائێستا هیچ بڕیارێكیان بەدەستنەگەیشتووە بۆ رەوانەكردنی پارەی مووچە بۆ هەرێمی کوردستان".
ئەو سەرچاوەیە ئاماژەی بەوەکردووە، "رەوانەكردنی مووچە بۆ هەرێمی کوردستان دەكەوێتە دوای پرۆسەی سەرژمێری گشتییەوە".
بەپێی زانیارییەکان، تەیف سامی، وەزیری دارایی عێراق بە گەشتێک چووەتە دەرەوەی وڵات و رۆژی پێنجشەممەی داهاتوو دەگەڕێتەوە، هەر بۆیە مووچەی مانگی 10ی مووچەخۆرانی هەرێم زیاتر دوادەکەوێت.