ئەمڕۆ دووشەممە 18ی تشرینی دووەمی 2024، دەستەی دادوەریی هەڵبژاردنەکانی عێراق رایگەیاند، "سەرجەم ئەو تانانەی لە ئەنجامی هەڵبژاردنی خولی شەشەمی پەرلەمانی کوردستان درابوون رەتکرانەوە".
بەپێی نووسراوێکی فەرمی دەستەی دادوەریی هەڵبژاردنەکانی عێراق کە واژۆی دادوەر حەسەن فوئاد، سەرۆکی دەستەکەی لەسەرەو ئاراستەی کۆمیسیۆنی باڵای هەڵبژاردنەکان کردووە، تیادا هاتووە، "سەرجەم تانەکان لە ماوەی یاسایی خۆی لەسەر هەڵبژاردنی خولی شەشەمی پەلەمانی کوردستان یەکلا کرانەوە".