ئەمڕۆ بەهۆی تەقینەوەی بۆمبێک لە سنووری قەزای دوزخورماتوو بە کاروانێکی فەرماندەی فەوجی 3ی لیوای یەکی هاوبەشی پێشمەرگە و سوپای عێراق، فەرماندەیەکی کورد شەهید بوو.
وەزارەتی پێشمەرگەی حکومەتی هەرێمی کوردستان رایگەیاند، "ئەمڕۆ 17ی تشرینی دووەمی 2024 کاتژمێر 9:00 لە سنووری خورماتوو، بۆمبێکی چێندراو بە کاروانی ئۆتۆمبیلەکانی فەرماندەی فەوجی سێی لیوای یەکی هاوبەشی پێشمەرگە و سوپای عێراق تەقیەوە، لەئەنجامدا عقید روکن سامان سابر سلێمان فەرماندەی فەوج و عەقید محەمەد رەزا کەریم، ئەفسەری ئەندازەی فیرقەی 9ی سوپای عێراق و ن.ض شەریف ئەحمەد محەمەد ئەمین شەهید بون، هەروەها سێ سەربازیش برینداربوون".
ئاماژە بەوەدراوە، "رووداوەکە، لە ئەنجامی کێوماڵکردنی ناوچەیەکی بەرفراوانی ئاسایشی هاوبەش بووە".