شەوی ڕابردووی بەتەقەی پاسەوانی سنووری عێراق گەنجێکی کۆڵبەر بەناوی ئارام خەلیل خەڵکی گوندی سەرگەتی شەهید کرا.
بەپێی وتەی شایەتحاڵەکان کاتژمێر 8:00ی شەوی رابردوو لە سنووری گوندی هانەی دنی ناحیەی بیارە ئەو گەنجە لەکاتی کۆڵبەریدای ڕاستەوخۆ لەلایەن چەکدارەکانی پاسەوانی سنوورەوە تەقەی لێ کراوە، دوای گواستنەوەی بۆ نەخۆشخانە گیانی لەدەستداوە.
لەماوەی ڕابردوودا چەندین جار لەلایەن پاسەوانی سنووری عێراقەوە تەقە لە کۆڵبەران کراوە چەندین کۆڵبەری سنووری هەورامان کوژراون و بریندارکراون.